Асоциалтә политика
Гәымба Иулиа Сабри-иҧӽа
Асоциалтә политика иазкыу ахеилак аҿаҧхьа иқәгылоу азҵаарақәа маҷым. Ҳара иҭаҳҵаауеит ҳҳәынҭқарраҿы ҳауаажәлар рсоциалтә ҭагылазаашьа зеиҧшроу, уи азы иҟоу агәаанагарақәа. Убарҭ инарықәыршәаны, ахеилак ихадароу ахырхарҭақәа алхны, ииашоу аформақәеи аметодқәеи рыла аус анагӡара аҽазнашәоит.
Зегь раҧхьа иргыланы, Аҧсны ақалақьқәеи, ақыҭақәеи рҟны инхо ҳуааҧсыра рыгәҭыхақәа еилаҳкаауеит. Уи шьаҭас иҟаҵаны, асоциалтә проектқәа аус рыдаҳулалоит. Абасала, Жәларбжьаратәи афонд «Аҧсны», ҳауаажәлар рҿаҧхьа иқәгыло ауадаҩрақәа рыӡбара аус аҟны, ахатә лагала аанарҧшуеит, ацхыраара анаҭоит.
«Агәабзиара» -ахәыҷқәа ргәабзиарахьчара ахьчара
12/05 2016 to 11/06 2021
«Агәабзиара» - афонд еснагьтәи проектуп, ахәыҷқәа ргәабзиарахьчара ахьчара иазкуп. Апроект хықәкыс иамоуп ачымазара зыцны ииз ахәыҷқәа ргәабзиара ашьақәыргыларазы ҳҳәынҭқарраҿы аус зуа ареабилитациатә центр адгылара, аматериалтә цхыраара азура. «Жәларбжьаратәи афонд Аҧсны» ахәышәтәраҿы амедецинатә цхыраара ҳаракы ахәыҷқәа ироурц азы, еиуеиҧшым апроектқәа рыла атәым ҳәынҭқаррақәа рахь идәықәнаҵоит. Хықәкыла афонд ауснагӡатәқәа мҩаҧнагоит ДЦП ачымазара аҭҵаараҿы. Иара убас, аҭыҧантәи амедецинатә усбарҭақәа, жәларбжьаратәи аимадарақәеи, аҧышәақәеи рыдкылара аус аҟны ацхыраара еиҿнакаауеит.
Агәыразра – аҵаҩцәа рзы ацхыраара
18/02 2016 to 17/03 2019
Еснагьтәи афонд апроект, зсоциалтә ҭагылазаашьа хьысҳау ашкол аҵаҩцәа рыцхыраара иазкуп. «Жәларбжьаратәи афонд Аҧсны», есымза, жәаҩык ашколхәыҷқәа , аӡәыцыҧхьаӡа, аанызқь мааҭ аҧара аҳәаақәа ирҭагӡаны,ирыгу ирыбзоу амаҭәақәеи, ашкол аҟны рхы иадырхәо амаҭәахәқәеи рзаархәоит.
Апроект аусура аҟны адгылара ҟанаҵеит Аҧсны аҵареи аҭҵаарадырреи рминистрра. Урҭ, афонд, асиа рзышьақәнаргылеит, амамзаара иахҟьаны, ашкол ахь имцоз ахыҷқәа рсиа ашьақәыргылараҟны.
«АҦЕИҦШ» - ҭаацәарақәа дуу рыцхырааразы.
01/10 2015 to 30/09 2021
Ауаажәларраатә еиҿкаара «Жәларбжьаратәи афонд Аҧсны», ахшара рацәа змоу аҧсуа ҭаацәарақәа рыцхырааразы, апроект ҿыц «Аҧеиҧш» аусура хацнаркит. Ӽфонд хықәкқы хадас ируакыуп Аҧсны адемографиа ҭагылазаашьа аҧсахра. Апроект "Аҧеипш" аусура иацлоит, еснагьтәихоит.
«Ани амаалықьи»
09/07 2015 to 31/01 2021
«Жәлабжьаратәи афонд Аҧсны» аҧшьгарала апроект ҽыц аусура иалагеит. Уи хьӡыс иамоуп «Ани амаалықьи». Апроект аҧсуа ҭаацәарақәа рҿы ҿыц ииуа ахәыҷқәа ирызкыуп. Даара агәырӷьара зцу хҭысуп, аҭаацәараҿы ахәыҷы иира. Уи ҳара ҳфонд адгылара анаҭоит. Убри азыҳәан иҳархиеит аҳамҭақәа, ан лымаалықь иааӡараҿы ацхыраара лнаҭоит ҳәа хықәкыс иҟаҵаны. Уи еиднакылоит ахәы зҭарҵо аҧаҭлыкақәа, ацәымҳа, ашоурашәага, акремқәа уҳәа. Убри инаҷыданы, ахәыҷы ииашаны иааӡараҿы ан лхы иалырхәо ашәҟәы, ахәыҷқәа рзы аҧсуа шәҟәқәа, ахәыҷқәа рашәақәа зну адиск. Урҭ зегьы рхаҭабзиара ҳаракыуп, ан лзы ихәарҭоуп ҳәа ҳгәы иаанагоит.
Ҳапроект иаҵанакуеит фымз рҟынӡа зхыҵуа ахәыҷқәа змо аҧсуа ҭааҵәарақәа. Аҟәа ақалақьи, Аҟәа раион инхо, ҿыц ахшара зауз аҭаацәарақәа, ас еиҧш иҟоу аҳамҭа роурц рылшоит афонд аофис аҟны. Ҳара ҳҭыӡҭыҧ: Аҟәа ақалақь, Пушкин имҩа 16, «Гәдоу-плаза» ахыбра, ахәбатәи аихагыла. Ҳреспублика егьырҭ араионқәа рҟны инхақәо рзы, афонд ахаҭарнакцәа, дара зҵазкуа араионқәа радминистрациақәа рахь инаргоит, апроект зықәныҟәо аҧҟарақәа заа иреилыркааны, нас аҭыҧаҟны ирзеихыршоит. Ҭаацәацыпхьаӡа уи роурц рылшоит ахәыҷы ииразы Аршаҳаҭгала.
- ‹‹‹
- 3 of 3
.png)
