Асоциалтә

Всего осуществлено 124 проектов
27/12 2019

Ашықәс ҿыц аныҳәа Аҟәатәи ареабилитациатә центр ахәыҷқәа рзы

Иахьа, Аҟәатәи ареабилитациатә центр ахәыҷқәа рзы, "Дом Москвы" аизарҭа азал аҟны имҩаԥысит ашықәс ҿыц аныҳәа. Аҵаа Бабадуи, Асҭыԥҳаи, иара убас алакәтә аҵани ахәыҷқәа рзы ирыздырхиеит аинтерес змоу, иеиуеиԥшым аконкурсқәеи, илахҿыху ашәақәеи рыла иҭәу апрограмма.

Аныҳәа ахыркәшамҭаз ахәыҷқәа зегьы иранаршьеит ашықәс ҿыҵтәи аҳамҭақәа.

Ари ашықәс ҿыц аныҳәа еиҿкаан "Жәларбжьаратәи афонд Аԥсны" ацхыраарала.

Асоциалтә
«Агәабзиара»
Инарҭбааны
27/12 2019

Ашықәс ҿыц аныҳәа амҩаԥгара иацырҵоит ақ. Гал аҟны

Иахьа, ашықәс ҿыцтәи акциа аҳәаақәа ирҭагӡаны "Жәларбжьаратәи афонд Аԥсны" иаҭааит ақ. Гал Ахәыҷтәы реабилитациатә центр иара убас Ахәыҷқәа рыҿиара ацентр. Ахәыҷқәа асасцәа рзы идырхиаз ашықәс ҿыц ныҳәа афонд аҳамҭақәа угәы иаахәаратәы иханарҭәааит. Ари аныҳәа иаҭааит иара убас ақ. Гал ахадареи уи аколлективи.

Ҳара ҭабуп ҳәа раҳҳәоит ацентр анапхгаҩцәа Изориаԥҳа Ирмеи, Маиа Кәакәасқьырԥҳаи зых иамеигӡо рџьабаа, русура азы, иара убас ацентр ааӡамҭацәа ирзеиӷьаҳшьоит иааиуа 2020-тәи ашықәс қәҿиарала иҭәызарц.

Асоциалтә
«Агәабзиара»
Инарҭбааны
25/12 2019

Ашықәс ҿыцтәи аныҳәа ақ. Тҟәарчал Ахәыҷқәа рыҿиара ацентр аҟны

«Жәларбжьаратәи афонд Аҧсны» ашықәс ҿыц аныҳәа амҩаҧгара иалагеит ақ. Тҟәарчал Ахәыҷқәа рыҿиара ацентр аҭаарала. Ахәыҷқәа рзы иазыхиан узтәызтәуа апрограмма. Уаҟа, ахәыҷқәеи алакәтә фырхацәеи имҩаҧыргеит иеиуеиҧшым аконкурсқәа, ирыҧхьеит ажәеинраалақәа, ироуит аҳамҭақәа. Ҳәарада, ахәыҷқәа рныҳәа ихазынахәха, игәырӷьаччараха имҩаҧысит.

Аныҳәа ахыркәшамҭаз ацентр аҟны изхылаҧшуа ахәыҷқәа зегьы, афонд ахьӡала ироуит ашықәс ҿыцтәи ахаа-мыхаатә ҳамҭақәа.

Асоциалтә
«Агәабзиара»
Инарҭбааны
17/12 2019

ДЦП ачымазара апроблемақәа рзы аусуратә гәыҧ реилатәара.

Иахьа, «Жәларбжьаратәи афонд Аҧсны» аусбарҭаҟны имҩаҧысит ДЦП ачымазара апроблемақәа рзы аусуратә гәыҧ реилатәара. Аилатәараҟны иалахәын Аҧсны ареабилитациатә центрқәа зегьы рнапхгаҩцәа, Аҳәынҭқарратә хәыҷтәы хәышәтәырҭа аиҳабы Игорь Џьопуа, акультура-гәыҳалалратә фонд «Ашана» аиҳабы Мактина Аџьынџьал, иара убас Аҧсны Аҳәынҭқарратә хшараиурҭа аҳақьым хада Белла Ԥлиа.

Асоциалтә
«Агәабзиара»
Инарҭбааны
12/12 2019

Аҧснынтәи аҳақьым-атравматолог Ермантәылаҟны иҧышәахысра.

Мышқәак раҧхьа, Ермантәылантәи дхынҳәит Аҳәынҭқарратә хәыҷтәы хәышәтәырҭа аҳақьым- атравматолог, Аррахәышәтәырҭаҟны атравматологиатә ҟәша аиҳабы - Гьаргь Морохиа. Иара Ермантәыла, ақалақь Ереван аҟны «Ицқьоу Анцәа иан» Еревантәи ахәышәтәырҭаҟны абҵарамза 10, 2019 ш. инаркны 30-нӡа иҧышәа аизҳара дахысуан.

Зыӡбахә ҳәоу аҧышәахысра амҩаҧгара алшара аиуит "Жәларбжьаратәи афонд Аҧсны" иабзоураны. Ари аҭаара еиҿнакааит иара убас ахарџьқәа зегьы ахахьы иагеит афонд.

Асоциалтә
«Агәабзиара»
Инарҭбааны
12/09 2019

Ермантәылантәи аортопед Аԥсны аоперациақәа мҩаԥигоит

Ермантәылантәи Аԥсны иаҭааз аҳақьым-аортопед  Овсеп Даниелиан хәымш ирылагӡаны 70-ҩык ДЦП ачымазара змоуи, иара убас егьырҭ ачымазара зыцны ииз ахәыҷқәа ргәаҭара мҩаԥигеит. Агәаҭарахь инеиз ахәыҷқәа рахьынтә иҟан аҳақьым раԥхьаӡа акәны згәаҭара мҩаԥигоз. Иҟан иара убас егьырҭ Овсеп Аветик-иԥа уаанӡа аоперациа  ззиухьаз ачымазаҩцәагьы. Урҭ ргәабзиара шеиӷьхаз иаразнак иубарҭан.

Асоциалтә
«Агәабзиара»
Инарҭбааны
30/08 2019

Ҩажәаҩык аҵаҩцәа ацхыраара рыҭоуп

Абар иааит аҵарашықәс ҿыц аҽазыҟаҵара аамҭа. Ахшара рацәа змоу аҭаацәарақәа рзы ари аамҭа ирызцәырнагоит имаҷымкәа ахарџьқәа.

Цәыббра 1 аламҭалаз, «Жәларбжьаратәи афонд Аҧсны» имҩаҧнагеит афонд еснагьтәи апроектқәа ируаку- апроект «Агәыразра». Афонд ахь инашьҭыз арзаҳалқәа рҟнытә иалхын ҩажәаҩык, зсоциалтә ҭагылазаашьа хьысҳау аҭаацәарақәа рҟынтә аҵаҩцәа. «Жәларбжьаратәи афонд Аҧсны» аусзуҩцәа ахәыҷқәеи рҭаацәеи ирыцны иаҭааит Аҟәа ақалақь адәқьанқәа руак. Уаҟа ирзаархәеит ашколтә шәҵатәымаҭәеи, иар убас аҵараҿы рхы иадырхәаша амаҭәарқәеи.

Асоциалтә
«Агәыразра»
Инарҭбааны
21/08 2019

Ахәыҷтәы реабилитациатә центр «Асаркьал» аҟны арҽеиратә усурақәа хыркәшоуп

Иахьа, «Жәларбжьаратәи афонд Аҧсны» ахаҭарнакцәа иаҭааит Гәдоуҭатәи ахәыҷтәы реабилитациатә центр «Асаркьал». Афонд афинанстә цхыраарала ацентр ахыбра аҟны имҩаҧыргеит арҽеиратә усурақәа. Уаҟа аҭыҧ аанакылеит зықәра маҷу ахәыҷқәа аус ахьрыдыруло ауада.

Гәдоуҭатәи ахәыҷтәы реабилитациатә центр «Асаркьал», иара убас Ауаажәларратә еиҿкаара «Жәларбжьаратәи афонд Аҧсны» ҭабуп ҳәа иарҳәоит Аҧсны Аҳәынҭқарра Апарламент Аспикер ихаҭыҧуаҩ Сангәлиа Михаил Петр-иҧа, ацентр адгьылҵакыра арҭбааразы ацхыраара ахьаиҭаз.

Асоциалтә
«Агәабзиара»
Инарҭбааны
08/07 2019

Аҧснытəи аҳəынҭқарратə университет ацхыраара аҭоуп

Иахьа,  ҳара ҳаҭааит ААУ  азеиҧш нхарҭа, афонд ҳамҭас уи ианаҭеит  аӡəӡəагатə машьынақəа ҩба.

Азеиҧш нхарҭатə ҩны аиҳабы Зураб Амҷба ҳара иаҳирбеит ахыбра, уи еиқəыршəоуп астудентцəа рынхара аиҕьтəразы ҳаамҭазтəи астандартқəа ирықəыршəаны. Араҟа иҟоуп аҧсшьарҭатə уадақəа, аспортзал, абиблиотека, ашəҟəыҧхьарҭатə зал, амедеицинатə уада раҧхьатəи  ацхыраара роурц ахьрылшо.

„Жəларбжьаратəи афонд Аҧсны“ ҩаҧхьа ацхыраара анаҭалоит ААУ азеиҧш нхарҭа, аҭагылазаашьа бзиақəа ахьаҧҵо инаҷыданы, иҟаҵатəқəоу ыҟоуп, иаҳҳəозар аспорттə дəы, иара убас  егьырҭ  ауадақəагьы.

Аҿар
Асоциалтә
Инарҭбааны
01/07 2019

Ареспубликатə хəыҷтəы центр ацхыраара аҭоуп

Апроект „Агəабзиара“ аҳəаақəа ирҭагӡаны „Жəларбжьаратəи афонд Аҧсныи“, Ростов ақалақь аҟынтəи  анаплакы „Биофармеи“ ҩаҧхьа ацхыраара  рырҭоит Аҟəа ақалақь аҿы иҟоу Ареспубликатə хəыҷтəы хəышəтəырҭа аҧҟарҭатə ҟəша.
Ааигəа, аҧҟарҭатə ҟəша еиқəыршəан ҳаамҭа иақəшəо аҧҟарҭатə стол ала, иахьа, Ареспубликатə хəыҷтəы хəышəтəырҭа аиҳабы Игор Џьапуа  иҭан аҧҟара злаҟарҵо аинструментқəа.

Асоциалтә
«Агәабзиара»
Инарҭбааны

Pages

Subscribe to Syndicate