"Иҟәышу аклассӷәы" Аҧсны аҵареи аҭҵаареи рминистрра ианашьан.
03/12 2015
Ауаажәларратә еиҿкаара "Жәларбжьаратәи афонд Аҧсны", Аҧсны аҵареи аҭҵарадырреи рминистрра ҳамҭас ианаҭеит "Иҟәышу аклассӷәы" захьӡу амыруга.
"Жәларбжьаратәи афонд Аҧсны" ахада Сонер Гогәуа излеиҳәаз ала, Гагратәи ашкол лицеи, ас еиҧш иҟоу амыругақәа ҧшьба ҳамҭас ирырҭеит.
Сонер Гогәуа, Аҧсны аҵареи аҭҵаареи рминистр Адгәыр Какоба, иааиуа Ашықәс ҿыц идныҳәалауа иазгәеиҭеит, аҵара зҵо ҳҿар, ҳаамҭа иақәшәо атехнологиа ҿыцқәа рыла рдырра еиздырҳаларц шырҭахыу.
" Ҳара агәаҳәара ҳамоуп ҳҿар аҵара-дыррахь ирымоу аҧышәа аизырҳара аус аҿы, иҳалшо ала ацхыраара раҳҭоит. Аҧхьаҟагьы, хымҧада, ҳфонд ахьӡала, адгылара ҟаҳҵоит"-иҳәеит Сонер Гогәуа.
Аҧсны аҵареи аҭҵаарадырреи рминистр Адгәыр Какоба, афонд ахада Сонер Гогәуа ҭабуп ҳәа еиҳәеит иҟаиҵаз аҳамҭа ду азы.
"Иахьатәи аҵара-процесс аҿы, даара ацхыраагӡа ҟанаҵоит иаҳзаажәгаз амыруга. Еиуеиҧшым ахырхарҭақәа рҟны, ахархәара маншәалоуп. Иҭабуп, Ашықәс ҿыц аламҭалазы иаҳзыҟашәҵаз аҳамҭазы"-иҳәеит Адгәыр Какоба.
"Иҟәышу аҭыӡӷәы" ахәҧса, цырак 3.500доллар иаҧсоуп.
"Жэларбжьаратэи афонд Аҧсны" ахада Сонер Гогәуа иазгәеиҭеит, еышықәса ҩба-ҩба цыра ас еиҧш иҟоу аҭыӡӷәқәа, Аҧсны аҵареи аҭҵаарадырреи рминистрра ишанаршьало. Анаҩс, аминистрра иҟанаҵо алкаала, Аҧсны араионқәеи ақалақьқәеи рахь еихшаны, ашколқәа ирыҭахоит.
Сонер Гогәуа, Аҧсны аҵареи аҭҵаарадырреи рминисир Адгәыр Какоба ианеишьеит аҳаҭыртә шәҟәы. Уи аминстр ахә ҳаракны ишьеит.
- Аҧсуаҭҵааратә институт ацхыраара аҭоуп
- «Жәларбжьаратәи афонд Аԥсны» Аԥсуа драматә театр аҳамҭа ананашьеит
- «Жәларбжьаратәи афонд Аҧсны»ахаҭарнакцәа «Анацәа аҭынчреи асоциалтә иашареи» рзы Аҟәатәи аҟәша Аиаара амш рыдырныҳәалеит
- Аҟәатәи ақәыҧшцәа рыҩны апроект «Апрофориентациа ацентр» афинанстә цхыраара аиуит афонд аҟынтә
- Аҟәа ақалақь абжьаратә школ №8 аматериалтә цхыраара аҭоуп
- Маркәылатәи абжьаратә школ ацхыраара аҭоуп
- «Жәларбжьаратәи афонд Аҧсны» Гәдоуҭа араион ҳамҭас иарҭеит акомпиутерқәа ҧшьба.
- Аҟәатәи ареабилитациатә центр акомпиутертә техника анашьоуп.
- «Жәларбжьаратәи афонд Аҧсны» ахьӡала, Гал араион акомпиутерқәа быжьба анашьоуп.
- Тҟәарчалтәи агәыҳалалра-ааглыхратә ҵараиурҭа, «Жәларбжьаратәи афонд Аҧсны» ахьӡала акомпиутерқәа ҧшьба, ҳамҭас еиҭанашьоуп.
- «Жәларбжьаратәи афонд Аҧсны» Тҟәарчал араион ҳамҭас ианаҭеит акомпиутерқәа хәба
- «Жәларбжьаратәи афонд Аҧсны» Аҟәатәи араионтә библиотека акомпиутер ҿыц ҳамҭас ианаҭеит.
- Иахьа, «Жәларбжьаратәи афонд Аҧсны», ахәыҷқәа рреабилитациатә центр акомпиутертә комплектқәа ҩба ҳамҭас ианаршьеит.
.png)
