Аҟәатәи ареабилитациатә центр акомпиутертә техника анашьоуп.

Иахьа, ауаажәларратә еиҿкаара «Жәларбжьаратәи афонд Аҧсны» ахьӡала, Аҟәа ақалақь аус зуа  згәабзиара уашәшәыроу ахәыҷқәа рзы ареабилитациатә центр ҳамҭас ианаҭеит  акомпиутертә техника.  Уи рнапаҿы ирыҭан афонд иаҭааз ареабилитациатә центр аусзуцәа, аҧсихолог-Жанна Харчлааҧҳаи, арҵаҩы-ааӡаҩ Елисо Маланиаҧҳаи.  Афонд ахада Сенер Гогәуа аҧхьа днаргыланы, ҭабуп ҳәа рарҳәеит згәабзиара уашәшәыроу ахәыҷқәа рзы иаадырҧшуа ацхыраареи, агәыҳалалреи, ахаҵгылареи рзы. 

Иазгәаҭатәуп,  изныкымкәа «Жәларбжьаратәи афонд Аҧсны»  Аҟәатәи ареабилитациатә центр ацхыраара шанаҭахьо. 

Subscribe to Syndicate