Урыстәылеи, Ҭырқәтәылеи рҵарауаа «Жәларбжьаратәи афонд Аҧсны» иаҭааит

Иахьа, «Жәларбжьаратәи афонд  Аҧсны» аусбарҭа иаҭааит Урыстәылеи, Ҭырқәтәылеи рҵарауаа.  Иацы,   Аҧснытәи  аҳәынҭқарратә университет аҿы имҩаҧысыз Астол гьежь : «Амассатә информациа ахархәагақәа -ақьабзқәеи, аҿыц аҧшьгарақәеи  рыбжьара, ҳаамҭазтәи ауаажәларреи, аетнокультуреи»  иалахәыз. «Жәларбжьаратәи афонд  Аҧсны» ахада Сенер Гогәуа  урҭ идеилиркааит напхгара зиҭо афонд аҵаки, аусура ахырхарҭеи. 

«Ҳара ҳнапы злаку апроектқәа ируакуп аҵара-дырра ацхраара аҭара.  Ас еиҧш иҟоу апроектқәа ахылаҧшра раҳҭоит, избанзар аҳәынҭқарра аҿиара, аҭҵаарадырра хымҧада иацхраауеит. Ахәҭакахьала, ҳара иаҳҭахәуп еилкаахарц ҳҳәынҭқарра аҿиара шьагәыҭс иамоу. Абраҟа, сара сгәаанагарала, ахаҵгылара аҭахуп ҳтәыла аҭоурыхтә ҧышәа»-ҳәа азгәеиҭеит Сенер Гогәуа.

Аиҧылараҿы иазааҭгылан Аҧсни, Урыстәылеи, Ҭырқәтәылеи ркультуратә еимадара арҿиара арҭбаара.  «Жәларбжьаратәи афонд Аҧсны» ахықәкы хадақәа ируакуп Урыстәылеи Ҭырқәтәылеи реимадараҿы, русеицураҿы  Аҧсны цҳаны иҟазарц.

Афонд ахада Сенер Гогәуа игәаанагарала, ари аус аҧхьаҟагьы аполитикатә ҳауа бзиа рзаанагоит ҳажәларқәа зегьы.  Аиҧылара иалахәыз аҵарауаа  афонд имҩаҧнаго апроектқәа гәахәарыла ирыдыркылеит. Дара изларҳәаз ала, ажәларқәа рыбжьара еснагь иҟазароуп иҿымцәаауа аимадара. Уи еснагь аҭынчреи аилибакаареи иацхраауеит.