Ермантәыла иаҧхьагылоу ареабилитолог Аҧсны даҭааит

Апроект «Агәабзиара» аҳәаақәа ирҭагӡаны, «Жәларбжьаратәи афонд  Аҧсны» Аҧсныҟа даанаҧхьеит Ермантәыла Ахәыҷтәы реабилитациатә центр аҟны  ареабилитациатә маҵзура анаҧхгаҩы Лаура Мавсисиан. Ари аҭаара хықәкыс иамоуп Аҧсны ареабилитациатә центрқәа рҭагылазаашьа ахәшьара аҭара. Зегь раҧхьаӡа ареабилитолог даҭааит Гәдоуҭа ақалақь  ахәыҷтәы реабилитациатә центр «Асаркьал». Ацентр аусура гәаҭаны ареабилитолог ацентр аусзуҩцәа ирылҭеит хәы змоу, апрофессионалтә абжьгарақәа ЛФК аиӷьтәразы, иара убас иаҭаху амедицинатә маҭәахәқәа рзы арекомендациақәа.

Subscribe to Syndicate