Енгин Ҭаскәач-иҧа (Папба) Ареспубликатә жәлар рпартиа Ҭырқәтәылатәи апарламент аҿы иҟоу агәып напхгаҩыс далхуп

Аҧснынӡа иааӡеит ажәабжь бзиа. Ҭырқәтәылатәи Ареспублика апарламент адепутат, хылҵшьҭрала иаҧсыуоу Енгин Ҭаскәач-иҧа (Папба), апарламент аҿы иаҧҵоу Ареспубликатә жәлар рпартиа иалнахыз агәыҧ анапхгаҩцәа  хҩык дыруаӡәкхеит.

«Ахьӡ-Аҧша» аорден аҩбатәи аҩаӡара занашьоу, аполитикатә, ауаажәларратә усзуҩ, Енгин Папба, иҭоурыхтә ҧсадгьыл Аҧсны ахьӡ аӡыргаразы акыр илша рацәоуп. Ҳҳәынҭқарреи, ҳауаажәлари, ҳдиаспореи реимадара аус еснагь дазҿлымҳауп, уи аҳәаақәҵаразы иахәҭоу аҳәынҭқарратә ҩаӡара аҟынӡа инаганы дахаҵгылоит. Ҭырқәтәылатәи апарламент аҿы иааникыло, аҭакҧхықәра зцу аус аҟны, «Жәларбжьаратәи афонд Аҧсны» ахьӡала, Енгин Ҭаскәач-иҧа изеиӷьаҳшьоит аманшәалара, аихьӡарақәа!

Subscribe to Syndicate