Август 4 рзы имҩаҧысит Астол гьежь «Урыстәыла-Аҧсны: Амшынеиқәа Кавказтәи арегион аҟны акоординациатә политика априоритетқәа».

Август 4, Аҟәа ақалақь, асасааирҭа «Атриум-Викториа» аконференц зал аҟны имҩаҧысит Астол гьежь, абри атема ала: «Урыстәыла-Аҧсны: Амшынеиқәа Кавказтәи арегион аҟны акоординациатә политика априоритетқәа». Уаҟа аҧсуа аурыс експертцәа рылацәажәеит Аҧсныи Урыстәылеи русеицзура азҵаарақәа, иара убас ҳазҭагылоу аамҭазы аҳәынҭқаррақәа рыбжьара аусеицзура амҩақәа рырҭбаара.

Астол гьежь аусура рхы аладырхәит аҳәынҭқарратә усбарҭақәа рхаҭарнакцәа, адепутатцәа, ауаажәларратә еиҿкаарақәа, иара убас амассатә информациа ахархәагақәа русзуцәа.

Раҧхьатәи ажәахә ала дықәгылеит Беслан Кобахьиа, Адунеизегьтәи аҧсуа-абаза жәлар рконгресс ахада иабжьгаҩ. Иара иажәахә: «Аҧсны аҿатә аамҭа аҟны» дзааҭгылеит адәныҟатәи аҩныҵҟатәи аспектқәа, аҳәынҭқарра аҭышәынтәалара азҵаатәы, аҩныҵҟатәи ашәарҭадара аҭагылазаашьа, атәыла аҿиара аҟны зегь реиҳа зынагӡара аҭаху усны дшахәаҧшуа.

Атаев Артур, Урыстәылатәии Афедерациа ахада иусбарҭа аҟны иаҧҵоу астратегиатә ҭҵаарадыррақәа рцентр Кавказтәи асектор анапхгаҩы.

Уи иажәахә «Азеиҧш геополитикатә интересқәа Аҧсныи Урыстәылеи рзеиҧш цивилизациатә акзаара афактор аҳасаб ала» аҟны дазааҭгылеит аусеицзура аҳәаақәа рырҭбаара аҭахны ишиҧхьаӡо,  ашәарҭадара азҵаара шеиқәырхатәу, арегион аҟны ашәарҭара иҭазыргыло адәныҟатәи амчрақәа ишырҿагылатәу.

Дамениа Олег, Аҧсны Аҳәынҭқарра ахада иусбарҭа аҟны иаҧҵоу астратегиатә ҭҵаарадыррақәа рцентр анапхгаҩы. Уи иқәгылараҟны ирыдигалеит  аглобалтә проблемақәа рахь  аконцептуалтә знеишьа, уи  Аҧсны ишаныруа,  иара убас Аҧсны аглобалтә цәырҵрақәа аҭакс ирынаҭар алшо, адәныҟатәи ацәырҵрақәа ишырҿагыло, иаҳҳәозар атерроризми, акультуратә експансиеи реиҧш иҟоу. 

Зарифуллин Павел, Лев Гумилиов ицентр аиҳабы. «Аладатәи Кавкази Амшынеиқәа арегиони ринтеграциа аихьӡарақәа Аҧсныи, Урыстәылеи, Аахыҵ-Уаҧстәылеи евразиатәи агеополитикатә проектқәа рҟны», захьӡыз иажәахә аҟны дрылацәажәеит Аҧсны аҿиара аҧынгыла азҭо адәныҟатәи афакторқәа, урҭ ҩҳәынҭқаррак рыбжьара реизыҟазаашьаҿы ныррас иарҭо.

Королевскаиа Анна, Лев Гумилиов ицентр аексперт.  «Амҩатәи атрубомҩангагатәи апроектқәа Каспиеи Амшын Еиқәеи рҟны» захьӡыз лажәахә аҿы дырзааҭгылеит Амшынеиқәеи Каспиатәи арегионқәа рҟны атранспорттә, афымцамчтә, ахәаахәҭратә коммуникациақәа рыҿиара ирыдҳәалоу азҵаарақәа. Убри аан иазгәалҭеит аиҧш зеиҧшу апроектқәа арегион аҟны атәылақәа рыбжьара аусеицзура амҩақәа рыҧшаара ишацхраауа, аҳәынҭқарра аҭышәныртәалареи аҿиареи шьаҭас иаиурц шыҟало.

Ҭаниа Леила, Амшынеиқәеи Кавказтәи аҿиареи Аҧснытәи амаҵзура адиректор хада. Лара лажәахә «Аҧсны-Урыстәыла: аинтеграциатә, аполитика-зинхьчаратә аспектқәа ркоординациатә политика Амшынеиқәа Кавказтәи арегион аҟны» инаҵшьны иазгәалҭеит Аҧсны адәныҟатәи аполитиказы инҭырҳәыцааны иҟоу аҳасабырба аҧҵазарц. «Қырҭтәыла, иара убас жәларбжьаратәи аилазаарақәа иазхарҵарц шахәҭоу аҧсуа жәлар рсистематә геноцид, 2018 ш. азы шәышықәса зхыҵуа. Аҧсны аполитика еиҳа активра аанарҧшыроуп жәларбжьаратәи азхаҵара аиура иадҳәалоу азҵаарақәа рҿы». Леила Ҭаниа, иара убасгьы илҳәеит, Амшынеиқәа-Кавказтәи арегион географиала еиуеиҧшым аинтеграциатә проектқәа  иреихдарҭан ишыҟоу (ЕАЕС, ЕС, Евразиа ду, ШОС, БРИКС, аекономикатә маҟа абырфыын мҩа ҳәа изышьҭоу, уҳәа убас иҵегьы), уи ишалнаршо експерименталтә регионк аҳасаб ала Путин иаҧшьгарақәа рынагӡара, аинтеграциатә проектқәа рышьақәыргылара. Аҧсны иамоу абуфертә геополитикатә статус амчала, ахадаратә ҭыҧ ааннакыларц  шалшо  арегионалтә финанс-коммуникациатә еимадаратә центр- ЕС аҟны Лиуксембург еиҧшу астатус маҷ.

Коктыш Кирилл, Москватәи аҳәынҭқарратә университет жәларбжьаратәи аизыҟазаашьақәа (У) Москватәи аҳәынҭқарратә университет адоцент, аҳәынҭқарратә дума амилаҭтә усқәа рзы аексперттә еилазаара ахеилак алахәыла. «Аҧсны: адәныҟатәи аполитикатә система акоординати, аҩныҵҟатәи аусқәа рымшхәаҧштәи». Иара дазааҭгылеит жәларбжьаратәи апроцессқәа реимадара, урҭ Аҧсныи Урыстәылеи ишырныруа, убри аан иазгәеиҭеит Европа иҟоу амиграциатә кризис, иара убас егьырҭ ауадаҩрақәа, агәылацәа рҟны ицәырҵуа. Ишьҭихит азҵаарақәа, Еиду Америкатәи аштатқәа, Урыстәыла, Китаи, уҳәа егьырҭ жәларбжьаратәи ахәмарыҩцәа аус рыцура иазкыз агәаанагарақәа,  урҭ адунеитә политика ахә шыршьо, насгьы ҳҳәынҭқаррақәа ирнырырц шалшо.

Арешев Андреи Григори-иҧа, асаит kavkazoved.info аредактор хада. Иара дықәгылеит абри ажәахә ала: «Амшынеиқәа арегион аҟны ацәырҵрақәеи, аурыс-аҧсуа еизыҟазаашьақәа ирыдҳәалоу актуалра зҵоу ауадаҩрақәеи». Уаҟа дырзааҭгылеит арегионалтә усеицзура аспектқәа, аполитикатә ҽыҧсахрақәа иҭышәынтәалоу аҭагылазаашьа ныррас ианаҭоарц алшо, убри аан ихымҧадатәуп ҳәа дахәаҧшуеит акоординациатә ҟазшьа змоу аполитика амҩаҧгара, уи ицәырҵуа ауадаҩрақәа  раҧыхра шалнаршо.

Скаков Алеқсандр, Мрагылараҭҵааратәи аинститут аҭҵаарадырратә усзуҩ еиҳабы. «Аҧсныи Урыстәылеи рмилаҭтә интересқәеи рполитикеи рыхьчара: агармонизациеи акоординациеи реихьӡарақәа».   Скаков иажәахә аҿы азҿлымҳара азиуит аҩтәылак рмилаҭтә интересқәа рыхьчара ишашьҭоу, иазгәеиҭеит зны-зынла Урыстәылеи Аҧсныи ргәаанагарақәа еиқәымшәар шалшо, аха убри аан аизыҟазаашьақәа рыҿиара ишацҵатәу, аҩганкгьы ринтересқәа шазгәаҭатәу.

Доброхотов Леонид, Москватәи аҳәынҭқарратә университет апрофессор, Еиду Америкатәи Аштатқәа рҟны иҟоу СССР-и Урыстәылатәи Афедерациеи рхаҭарнакра уаанӡатәи абжьгаҩ ихаҭыҧуаҩ.  Иара иажәахә «Аҧсны апроблемақәа Урыстәыла-Мраҭашәара аидеолгиатә еиҿагыларақәа аконтекст аҟны» еиҭеиҳәеит Аҧсныи Урыстәылеи ркультуратә рдоуҳатә еиҧшрақәа, аекономикатә ҿиаразы аимпульс ҿыц аҧҵара, Аҧснеиҧш, Урыстәыла азгьы. Далацәажәеит аибашьра хьшәашәа ацәырҵра, уи арегион аҟны ицәырнагар алнаршо.

Ӷәынџьиа Мақсим Харитон-иҧа, «Жәларбжьаратәи афонд Аҧсны» ахада ихаҭыҧуаҩ, Аҧсны Ареспублика адәныҟатәи аусқәа уаанӡатәи аминистр. Уи иқәгылараҟны иҟаиҵеит аӡыргара, уаҟа еизаз ирзеиҭеиҳәеит жәларбжьаратәи аилазаара Аҧсны ахьыҧшымра азхарҵарц азы имҩаҧгатәу аспектқәак, иара убас Аҧсныи Латынтәи Америка атәылақәеи русеицура ашьақәыргылара. Иара убас, дазааҭгылеит аҩтәылак рполитика акоординациа, убри аан иазгәеиҭеит , иахьа Аҧсны, Урыстәыла аус ацура иадҳәалоу азҵаарақәа рҟны иахәҭоу азҿлымҳара шаарҧшым.

Астол гьежь аҟны иацҵан агәаанагарқәа реибыҳәара. Иазгәаҭатәуп, уи рхы шаладырхәыз адепутатцәа, аҳәынҭқарратә. Ауаажәларратә еиҿкаарақәа рхаҭарнакцәа.

Subscribe to Syndicate